Este Obradoiro de Teatro Comunitario foi promovido polo Concello de Mondariz, orientado a recuperar o patrimonio cultural inmaterial da parroquia a través da memoria e da expresión artística.

Teatro Comunitario é o teatro da comunidade feito pola e para a comunidade. Nace da vontade comunitaria de reunirse, organizarse e comunicarse. 

O obxectivo é recuperar a memoria colectiva das parroquias e atopar outro xeito de contar a nosa historia a través do teatro.

Cada lugar ten unha historia e esa historia co pasar do tempo convértese en memoria. Queremos deixar esas historias e memorias vivas e imortais nesta comunidade.

Queremos contar esas memorias para as persoas da comunidade, para que todas saiban as historias que pasaron nese lugar, as memorias que seguen vivas. A idea é eternizalas, para que as persoas de hoxe e do futuro poidan acceder a elas e pasalas adiante. 

A través do coñecemento da historia podemos valorar máis a nosa terra, o noso contorno, a nosa comunidade, a nosa xente e entender máis as nosas referencias, costumes. É moi importante para a sociedade esa conciencia da historia a través das memorias. É unha herdanza cultural e histórica para nenas e nenos.

Conectamonos cos nosos antepasados, entendemos moitas cousas que pasaron con elas e eles e a partir diso comprendemos o que nos pasa hoxe.

O que non se usa, pérdese e non queremos perder esa memoria colectiva histórica.

Todas as persoas independentemente das condicións (sociais, edades, relixións, identidades, nacionalidades etc) poden participar e serán moi benvidas.